Aðgerðaáætlunin

Vissir þú að:

• Atvinnurekendur telja skort á færni eina helstu hindrunina sem stendur í vegi fyrir framförum fyrirtækja þeirra? (evrópsk viðskiptakönnun 2007)
• 59% nýútskrifaðra háskólanema og um 80% nema í viðskiptafræði í Evrópu eru konur?
• Búast má við því að í vinnuafl Evrópu muni skorta 24 milljón manns árið 2040?
• Krafturinn að baki meira en 70% allra kaupákvarðana kemur frá konum?
• Áætlanir um jafnrétti kynjanna hafa jákvæð áhrif á áhuga, sköpunargáfu og afköst starfsfólks? (Nutek 1999)
• Fyrirtæki sem mest hafa ráðið konur í háar stöður skila 18 til 69% meiri arði en sem nemur meðaltali fyrirtækjanna á Fortune 500 listanum? (Adler)

Færni er kynlaus

Nýttu þá færni sem þér stendur til boða til hins ýtrasta. Jafnrétti kynjanna kemur bæði fyrirtækjum og starfsfólki þeirra til góða. Fyrirtæki haldast í rekstri og gengur vel vegna samskipta þeirra við viðskiptavini, fjárfesta, hluthafa, starfsfólk, birgja og samstarfsaðila. Þetta eru í öllum tilfellum konur og karlar með ýmis konar hæfileika, væntingar og þarfir. Framsýnn stjórnandi í viðskiptum gerir sér grein fyrir þessum þáttum.

Finndu réttan einstakling í rétt starf

Fyrirtæki hafa ekki efni á að láta hæfileika fara til spillis. Hins vegar eru staðalímyndir varðandi hvað á betur við fyrir karla og konur oft hindrun og kunna að koma í veg fyrir að fyrirtæki komi auga á og leysi úr læðingi hæfileika einstaklinga.
Þrátt fyrir góðan árangur hvað menntun varðar, vinnur helmingur kvenna í Evrópusambandinu við störf þar sem gerðar eru minni hæfniskröfur eða störf sem eru minna metin en önnur. Aðeins 29% vísindamanna og verkfræðinga, og aðeins 33% stjórnenda í Evrópusambandinu eru konur.
Karlar eru hins vegar yfirleitt í minnihluta í menntunar- heilbrigðis- og velferðargeiranum.